24 красавіка Ганцавіцкая цэнтральная раённая бібліятэка імя В.Ф. Праскурава далучылася да акцыі "Бібліяноч-2026". Тэма мерапрыемства — "Формула поспеху і прыгажосці сучаснай жанчыны". Бібліятэка ў гэты дзень ператварылася ў месца адпачынку, прыемных сустрэч і цікавых размоў, дзе панавала атмасфера творчасці і прыгажосці. Праграма бібліяночы была насычанай і разнастайнай: дэгустацыя прысмакаў і знаёмства з кандытарам Юліяй Мішкевіч, выстава-прэзентацыя касметыкі ад “Oriflame”, сустрэча з блогерам Юліяй Гуліцкай, cакрэты прыгажосці ад Вольгі Івановіч, майстар-клас па вырабу арома-сашэ ад Галіны Валуевіч. Кожны жадаючы мог зрабіць фотаздымак на фоне стэлажоў з кнігамі, пазнаёміцца з выставай "Год беларускай жанчыны" і атрымаць асалоду ад чароўных гукаў саксафона.