16 лістапада ў раённую дзіцячую бібліятэку завіталі выхаванцы садка №7. Для дзяцей была праведзена экскурсія, пад час якой яны даведаліся, якія цікавыя кнігі і часопісы ёсць у бібліятэцы, і як стаць яе чытачом. Пазнаёміліся хлопчыкі і дзяўчынкі з выставай-панарамай “Жывыя старонкі роднага краю”, а таксама з творчасцю паэта-земляка А.П. Галаскока. Загадкі з кнігі “Суд над сарокай” прыйшліся да спадобы маленькім наведвальнікам.