Да Міжнароднага дня роднай мовы ў цэнтральнай раённай бібліятэцы імя В.Ф.Праскурава арганізоўваюцца мерапрыемствы для моладзі ў цыкле “Моўны скарб роднай зямлі”. Рабяты знаёмяцца з гісторыяй свята, адгадваюць загадкі, перакладаюць словы і словазлучэнні з рускай мовы  на беларускую, узгадваюць вершы беларускіх класікаў. Напрыканцы сустрэчы школьнікам уручаюцца інфармацыйныя закладкі.

На працягу Тыдня роднай мовы бібліятэка запрашае ўсіх жадаючых пазнаёміцца з навінкамі беларускага друку, узяць літаратуру на дом і атрымаць асалоду ад чытання на роднай мове.