Филиалы


Сетка бібліятэк Ганцавіцкай раённай цэнтралізаванай бібліятэчнай сістэмы ўключае 19 устаноў: цэнтральная раённая бібліятэка імя В. Праскурава, гарадская бібліятэка, раённая дзіцячая бібліятэка, бібліятэка-музей, 16 сельскіх бібліятэк-філіялаў, з іх 8 бібліятэк аграгарадкоў і  перасоўная бібліятэка-філіял (бібліобус). 

 Агульны фонд бібліятэк сістэмы  на 01.01.2016г. налічвае 269 607 экз. выданняў. Нашы ўстановы наведваюць 14 864 чытачоў. Акрамя традыцыйнага абслугоўвання карыстальнікаў, бібліятэкі прызваны на высокім, якасна-новым узроўні вырашаць інфармацыйныя запыты чытачоў. 

Сёння бібліятэкі рэгіёну - гэта ўстановы, якія маюць свой адметны і непаўторны каларыт, якія адрозніваюцца сучасным інтэр'ерам, цікавым і змястоўным вопытам работы.

На карце Ганцаўшчыны бібліятэчнай з лёгкасцю можна адзначыць вялікую колькасць цікавых і ўнікальных устаноў. Для адных прыярытэтам у рабоце з'яўляецца краязнаўства, іншых захапляе паэзія, літаратурная спадчына краю, трэція знаходзяць сябе ў папулярызацыі экалагічных ведаў і працы з дзецьмі.